You are viewing vikipedyja

Беларуская Вікіпэдыя

Recent Entries

You are viewing the most recent 25 entries.

16th April 2013

tumash12:46pm: Менскае мэтро ў ангельскай вікіпэдыі
Сябры! Ці ёсьць тут хто?

Падкажыце, якім чынам узьняць пытаньне пра перайменаваньне станцый мэтро ў ангельскай вікіпэдыі з "ангельска-расейскага" напісаньня, якое ўжываецца зараз (Pervomaiskaya) на прынятае "Інструкцыяй транслітэрацыі беларускіх геаграфічных імёнаў літарамі лацінскага альфабэту" (Pieršmajskaja)?

18th May 2011

czalex10:23pm: Стары Ольса


Нейкія недасьведчаныя англасаксонцы ставяць пытаньне аб выдаленьні артыкула пра гурт Стары Ольса на ангельскай Вікіпэдыі O_o

Дапамажыце, калі ласка, ім патлумачыць і дапамажыце палепшыць артыкул

http://en.wikipedia.org/wiki/Stary_Olsa

21st April 2011

alex_poetry5:35pm: Шаноўнае спадарства! Я вырашыў пакінуць заяўку на закрыццё праекта Wikibooks на беларускай мове. Адзіная нагода для такога кроку - неактыўнасць удзельнікаў праекта і, адпаведна, невялікая колькасць карыснага зместу: праект амаль пусты. Да таго ж, у нас ёсць болей карысны і актыўны рэсурс беларускі Wikisource, туды можна без праблем перанесці карысныя тэксты з Wikibooks. Прашу падтрымаць або аспрэчыць маю заяўку на гэтай старонцы (на англійскай мове). Дзякуй за ўвагу.

8th April 2011

renessaince9:02pm: Уступная кампанія 2k+11
Набліжаецца цэнтралізаванае тэставаньне, а за ім неўзабаве і паступленьне. Прапануем беларускія ВНУ на выбар. :) Калі ўпадабалі «чырвоны» ўнівэрсытэт, дык гэта цудоўная нагода ўзяцца за стварэньне артыкула пра яго.
Current Mood: peaceful

4th March 2011

lotrdam12:44am: Сацыяльнае
Трэба адзначыць, што за падзеямі ў Вікіпэдыі абы-як можна назіраць у Twitter, Facebook і Вконтакте.Інджой.

31st January 2011

zedlik12:57am: моладасьць мая, беларусія
Сёньня ўвечары ў рувікі нарэшце перайменавалі артыкул «Белоруссия» ў «Беларусь»: ru.wikipedia.org/wiki/Беларусь.

Абмеркаваньне пераносу ([1]) ужо, здаецца, чацьвертае па ліку, цягнулася больш за 4 месяцы і цяпер складае 973 кілябайты тэксту.

Для параўнаньня: аб’ём першага тому Вайны і Міра складае 1281 Кб :)

Вынік пераносу ўжо спрабуюць аспрэчыць, але, как гаварыцца, е-е.

9th December 2010

zedlik1:03am: У Вікіпэдыі — 30 тысячаў артыкулаў па-беларуску клясычным правапісам
Вікіпэдыя
У Вікіпэдыі, вольнай энцыкляпэдыі, утрымліваецца больш за 17 мільёнаў артыкулаў на 257 мовах; зь іх больш за 30 тысячаў напісаныя на беларускай мове клясычным правапісам.

7 сьнежня 2010 году беларуская Вікіпэдыя клясычным правапісам (be-x-old.wikipedia.org) пераадолела мяжу ў 30 тысячаў артыкулаў. Юбілейным стаў артыкул пра скваркі (http://be-x-old.wikipedia.org/wiki/Скварка), які распачаў удзельнік Raviaka Ruslan. За паўтара гады (з 17 чэрвеня 2009 году) колькасьць артыкулаў у Вікіпэдыі павялічылася ў паўтара разы. Дзякуючы плённай працы ўдзельнікаў (ствараць артыкулы можа кожны ахвочы) некалькімі апошнімі месяцамі былі створаныя і ўзбуйненыя артыкулы на найбольш істотныя тэмы, за што беларуская Вікіпэдыя па выніках мінулага месяцу атрымала першае месца як найбольш прагрэсуючы разьдзел.

На цяперашні час разьдзел вольнай энцыкляпэдыі на беларускай мове клясычным правапісам займае 65 месца з 276 разьдзелаў на ўсіх мовах сьвету. Асноўнымі тэмамі, пра якія напісаныя артыкулы, зьяўляюцца тэмы, якія тым ці іншым чынам тычацца Беларусі — геаграфіі, гісторыі, выбітных асобаў, дзяржаўнага ладу. Сярод апошніх артыкулаў можна адшукаць зьвесткі пра «маладнякоўцаў», гомельскія вуліцы, прадстаўнікоў шляхецкіх родаў Сапегаў, Радзівілаў, Алелькавічаў і нават узгадаць гісторыю Ўсебеларускіх народных сходаў, чацьвёрты зь якіх праходзіў гэтымі днямі ў Менску. У дадатак дзякуючы супольнай працы цяпер сайты большасьці беларускіх міністэрстваў лягчэй стала адшукаць па запыце на беларускай мове.

Агулам у беларускай Вікіпэдыі клясычным правапісам існуюць амаль 80 тысячаў старонак і 15 тысячаў удзельнікаў, якія разам зрабілі больш за 875 тысячаў правак. Колькасьць актыўных удзельнікаў разьдзелу, якія зрабілі прынамсі 5 рэдагаваньняў у кастрычніку 2010 году, склала 38 асобаў. Разьдзел Вікіпэдыі па-беларуску быў створаны 12 жніўня 2004 году ў межах праекту «Вікіпэдыя» — публічнае ўнівэрсальнае інтэрнэт-энцыкляпэдыі, у якой аўтарам артыкула можа выступіць кожны ахвотны.

Аўтарскае права на матэрыялы «Вікіпэдыі» рэгулюецца вольнай ліцэнзіяй Creative Commons Attribution/Share-Alike, якая дазваляе вольна зьмяняць і распаўсюджваць інфармацыю і нават прадаваць яе, аднак забараняе «закрываць» правы на створаную грамадзкасьцю інфармацыю пасьля занясеньня якіх-небудзь зьменаў і дадаткаў.

У Вікіпэдыі асаблівая ўвага надаецца кантролю за ажыцьцяўленьнем аўтарскіх правоў і захаваньнем аб’ектыўнасьці ў артыкулах: абароненыя аўтарскім правам тэксты забаронена зьмяшчаць у Вікіпэдыю, а выявы могуць выкарыстоўвацца толькі на ўмовах добрасумленнага выкарыстаньня. За апошні год з гэтай прычыны было выдалена болей за 800 выяваў, выкарыстаньне якіх парушае аўтарскія правы; вядзецца рэвізія контравэрсійных артыкулаў, якія могуць зьмяшчаць неаб’ектыўныя зьвесткі.

Найбуйнейшым разьдзелам Вікіпэдыі зьяўляецца разьдзел на ангельскай мове. Цяпер ён утрымлівае больш за 3 495 000 артыкулаў. Таксама мільённую мяжу пераадолелі разьдзелы на нямецкай (больш за 1 157 000 артыкулаў) і францускай (больш за 1 041 000 артыкулаў) мовах. Агульная колькасьць артыкулаў на ўсіх мовах перавысіла 17 мільёнаў. Існуе таксама беларуская Вікіпэдыя афіцыйным правапісам, якая налічвае 25 з паловай тысячаў артыкулаў і 69-е месца адпаведна ў сьпісе ўсіх Вікіпэдыяў. Ад пачатку заснаваньня 12 жніўня 2004-га артыкулы ў беларускай энцыкляпэдыі пісаліся разам абодвума правапісамі, але ад 2007 усе артыкулы клясычным правапісам былі аддзеленыя ў асобны праект з ініцыятывы энтузіястаў стварэньня Вікіпэдыі афіцыйным правапісам.

14th November 2010

zedlik4:37am: прэс-рэліз
Минск, 13 ноября. Белорусский раздел "Википедии", размещенный по адресу http://be.wikipedia.org, достиг 25 тысяч статей, сообщил БелаПАН член инициативной группы по регистрации фонда "Викимедия" в Беларуси Василий Кисляк.
http://belapan.com/archive/2010/11/13/426240_426247/

Прыкольна, асабліва калі ўлічыць, што сёньня ўжо 14 лістапада, а лічыльнік артыкулаў кажа, што іх пакуль 24 972 :)
Статыстыка.

13th August 2010

lotrdam7:48am: Новы праект × 3
Дзякуючы бурнай дзейнасьці, якой займаліся ўдзельнікі Вікіпэдыі, у прыватнасьці zedlik , lvova (Расейская Вікіпэдыя), Jauhienij і іншыя, Беларуская Вікіпэдыя набыла адразу тры праекты. Пра іх пад катам, а зараз - прыемная навіна:  мы крыху аптымізавалі Галоўную старонку, а таксама дадалі два новыя блёкі (ад двух новых праектаў) "Выява дня" і "Тэматычны тыдзень. Сьпіс зьменаў на Форуме.

Цяпер новыя праекты...Collapse )

8th August 2010

lotrdam5:03pm: Файлавая дынаміка
На дыяграме дынаміка выдаленьня файлаў (вядома, з парушэньнямі аўтарскага права). Падзякуем Рэд_Ўінґэд_Дуцк за плённую працу.

Courtesy wikistatistics.net

6th August 2010

zedlik4:00am: google pagerank
Google Pagerank Вікіпэдыі цягам апошніх пары тыдняў зваліўся з 7 да 3. Прычым толькі для паддамэну «be-x-old». Што за нафік?

1st July 2010

zedlik12:26am: Новае афармленьне
У Вікіпэдыі — новае афармленьне і абноўлены лягатып.

Вікіпэдыя

Інтэрфэйс стаў больш зручным і сучасным, а лягатып цалкам пераведзены ў вэктарны фармат.

Мы крыху зьмянілі інтэрфэйс карыстальніка. Па-першае, мы стварылі новае афармленьне пад назвай «Вэктар». У «Вэктары» ўсе неабходныя функцыі перанесеныя ў лёгка даступныя месцы. Таксама мы палепшылі інтэрфэйс рэдагаваньня: значна зьмянілася панэль прыладаў, зьявіліся дыялёгі, каб спасьціць дадаваньне спасылак і табліц, а дадаліся ўбудаваныя падказкі, каб дапамагчы карыстальнікам хутка адрымаць дапамогу па вікі-сынтаксісу. Нарэшце, мы зьмянілі спосаб разьмяшчэньня элемэнтаў на старонцы, спрасьціўшы агульную навігацыю і перасунуўшы поле пошуку ў больш інтуітыўна зразумелае месца.

Праграмнае забесьпячэньне, на якім працуе Вікіпэдыя, лічылася дастаткова зручным у час, калі яно было распрацаванае. Але па цяперашніх стандартах яно зьяўляецца менш зручным для карыстальніка, чым іншыя праграмныя прадукты. Менавіта таму, пачынаючы з выпуска новага праграмнага забесьпячэньня ў красавіку, мы робім шэраг важных зьменаў, каб зрабіць Вікіпэдыю лепшай.


Галоўная старонка
Пытаньні і адказы

17th June 2010

zedlik3:40pm: 25k
25 тысячаў, ё-маё! Зачытаць юбілейны артыкул пра чацьверты студыйны альбом Muse можна тут: Black Holes and Revelations.

19th May 2010

lotrdam5:31pm: Нязначная, але веха
Як усім выпадкова зазірнуўшым у суполку фрэндам стала вядома, у Вікіпэдыі нарэшце шляхам галасаваньня (маруднага-а-а і мудрагелістага) быў абраны першы добры артыкул. Ім стаў артыкул, прысьвечаны беларускаму паэту, пісьменьніку, крытыку і публіцысту Зьмітраку Бядуле.

Ня трэба праходзіць міма і павіншаваць Беларускую Вікіпедыю зь юбілеем: 20 000 артыкулаў.

13th April 2010

selitskas10:19pm: Яндекс прыйшоў у Беларусь, ці Пра парсюкоў і калі яны зьявіліся
Сёньня нібыта Яндекс ледзь не афіцыйна "прыехаў" у Беларусь: беларускамоўны інтэрфэйс - ёсьць, першыя асобы кампаніі ў Менску - ёсьць. Вырашыў тутака ж праверыць, як працуе. Ну, што, бачыў розныя выкапні кшталту "Пры пошуку аддадзена перавага сайтам з Беларуси"... увогуле неперакладзеныя назвы рэгіёнаў (па якіх шукаюцца зьвесткі) і іншыя дробязі.

Вырашыў клацнуць на падказку для тых, каму няма што рабіць... Шукаў "Азёры Беларусі". Знайшоў. Першы вынік пошуку: "Азёры Беларусі - Вікіпедыя". Вікіпедыя - гэта добра. Прагарнуў старонку, Вікіпэдыі няма - кепска. Адкрыў другую старонку, трэцюю - нічога не знайшоў. Шукаў "Вікіпэдыя" - таксама нуль. Кансэрвы й ня стаў ужо адкрываць. (с)

Я вырашыў паспрабаваць дадаць адрас, мо' што здарылася, але атрымаў толькі "Указанный URL запрещен к индексации.". Магчыма, Вікіпэдыя сапраўды была расцэненая як пошукавы спам, але я зрабіў апошні запыт http://yandex.ru/yandsearch?surl=be-x-old.wikipedia.org, каб канчаткова ўпэўніцца, што нічога там няма.

Я не разумею толькі, гэта было адмыслова зроблена, ці як? Я мяркую, што было пазначанае як спам. Мо' адпісаць ім? :)

26th March 2010

zxz12m9:11pm: Конкурс на найлепшы артыкул у Вікіпедыі клясычным правапісам
Не сакрэт, што большасьць карыстальнікаў беларускага інтэрнэта маюць акаўнт на расейскім сайце "вкантакце". Каб прыцягнуць увагу да праблемаў разьвіцьця беларускае Вікіпедыі, мы вырашалі правесьці конкурс на лепшы артыкул напісаны з 1 траўня па 31 траўня 2010 года й разьмешчаныя ў беларускім сэгмэнце Вікіпэдыі клясычным правапісам (http://be-x-old.wikipedia.org). Пераможцаў чакаюць прызы:

1-ае месца: прынтар HP DeskJet
2-ое месца: вэб-камэра Creative
3-яе месца: джуджык (флэшка) на 4 Гб

галасаваньне па артыкулах будзе праводзіцца з 1 чэрвеня па 20 ліпеня ў суполцы "кантакта" "За адзіную дзяржаўную мову". Пазьней паспрабуем вынесьці гэты конкурс па-за межы той пляцоўкі, але пакуль тэхнічныя магчымасьці нам гэтага не дазваляюць.

Падрабязьней пра падзею: ЧЫТАЦЬ ТУТ

4th February 2010

selitskas2:03pm: Суцэльная катэгарызацыя
Некаторыя ўдзельнікі ўжо некалькі месяцаў разграбаюць той завал з катэгорыямі, які быў. Зараз праз катэгорыі я, напрыклад, лёгка магу знайсьці шмат інфармацыі па Беларусі (але ж узровень зьвязанасьці катэгорыяў пакуль яшчэ слабы), па іншых тэмах. Але ёсьць яшчэ артыкулы, якія зусім ня месьцяць катэгорыяў, ці гэткія катэгорыі не існуюць.

Таму, калі ласка, калі ёсьць некалькі вольных хвілінаў, зайдзіце, вылучыце колькі зможаце артыкулаў і дадайце неабходныя катэгорыі.

Дзякуй.

15th January 2010

selitskas12:12am: З Днём Вікіпэдыі
Новы год прайшоў, прайшлі і Каляды. А зараз "Стары Новы год" перадае эстафэту... (бубновы дроб) Дню Вікіпэдыі. :) Дзякуй Raviaka_Ruslan, а то я б і не даведаўся. :)

Віншую ад імя ўсёй суполкі!

29th December 2009

selitskas9:39pm: Прыладум Новус
Дзецюкі! (c) Зьявіла ся нарэшце першая беларускай прылада, ідэя якой - не паказаць, у каго чаго няма, а дапамагчы зрабіць у сваёй моўнай правапіснай вэрсіі адпаведны артыкул, зьмяніўшы хіба што нейкія правілы правапісу і, па жаданьню, дадаўшы нейкія новыя зьвесткі (пажадана ў абедзьве вэрсіі ;)). Гэтак вы дапаможаце беларускай Вікіпэдыі (тут без падзелу на педы/пэды).

Прылада.
Крынічны код: галоўны скрыпт (у cron праз qsub для Sun Grid Engine раз у дзьве гадзіны, але быў напісаны хутка, таму там няма ніякага парадку), вэб-інтэрфэйс (трэба будзе яшчэ кэшаваньне запытаў наладзіць, усё роўны раз на дзьве гадзіны абнаўляецца, навошта логін-сэрвэр загружаць).

24th December 2009

selitskas11:30pm: Вынікі году
Год (рок Sic!) хутка зьбяжыць ад нас у спасылку "Назад" у календары, таму трэ' ўжо вынікі рабіць.

Асабіста мая мэта (ці нават мара, мабыць) была - дасягнуть 23k артыкулаў у Вікіпэдыі. Гэта зрабіць наўрад ці ўжо атрымаецца, але яшчэ ёсьць цэлы тыдзень на стварэньне 300 якасных артыкулаў, ці прынамсі зьмястоўных накідаў, якія іншыя ўдзельнікі падхопяць (падхопіце, а?).

Вось дыяграма колькасьці новых артыкулаў агульнае і ў дзень для be і be-x-old. Public domain, іціць. :)


Тое, што шэрае - гэта агульная колькасьць артыкулаў, а блакітныя хвалі - гэта колькасьць новых артыкулаў штодзень.

Наступная дыяграма, тое самае, толькі для Вікіпедыі.


У абедзьвух Вікіп(э|е)дыях адбыўся даволі значны рост як колькасьці, гэтак і якасьці. Прынамсі, у трашкатавецкай. :) Глыбіня артыкулаў пра гэта сьведчыць: 29 vs. 10.

Віншую ўсіх вікіпэдыйцыў, асобна - адміністратараў, а таксама ўсіх, хто проста наведвае Вікіпэдыю і/ці гэтую суполку. :)

Хай шчасьціць, ~~~~ [[User:Wizardist]]

20th December 2009

selitskas1:55am: Ёсьць хто?
Тут навогул ёсьць хто?

Чаму няма ніякага "пазакляснага" абмеркаваньня справаў Вікіпэдыйных? У Вікіпэдыі, па-першае, ня вельмі зручна штосьці абмяркоўваць вельмі шырока, па-другое, ня места, калі толькі не пра артыкулы гаворка ідзе.

Зайшоў на #wikipedia-be на фрынод, акрамя ChanServ'а, які ў адзіноце, нікога няма. Я не кажу пра RL-камунікацыі і гэтак далей, але, прынамсі, наладзіць Google Groups не для віду можна? Ці maillist? Каб тэрмінова абмеркаваць нейкія пытаньні, навогул, пра разьвіцьцё праекта. Яно ж гэта ня проста напісаньне артыкулаў...

25th October 2009

zedlik11:39pm: Новы дызайн галоўнай старонкі Вікіпэдыі
У Вікіпэдыі — новы дызайн галоўнай старонкі!

Папярэдні дызайн быў прыняты 6 лістапада 2005 году і праіснаваў зь нязначнымі зьменамі амаль 4 гады. За гэты час Вікіпэдыя значна разьвілася і зьмянілася, зьмяніліся і прынцыпы, якія ляжалі ў аснове папярэдняга дызайну і зьместу галоўнай старонкі. Цяпер яна стала больш простай і больш зграбнай, больш стылёвай і больш зьмястоўнай. Цяпер у нас новы дах.

Беларуская Вікіпэдыя клясычным правапісам займае 65 радок у сьпісе з 271 Вікіпэдыі на ўсіх мовах сьвету паводле колькасьці артыкулаў. І нам яшчэ ёсьць, куды разьвівацца!

Як было і як сталаCollapse )

26th July 2009

jimbim11:16am: Што здарылася з вікі?
Хлопцы, я ужо другі дзень не магу ўвайсьці на сайт вікі, атрымліваецца толькі праз проксі-сэрвэр, але ў такім выпадку не магу рабіць рэдагаваньні... Што здарылася?

25th July 2009

jimbim9:24am: Удзелікам наркамаўскай вікі
Як Вы пракамэнтуеце такія мяркаваньні?

17th June 2009

zedlik7:07pm: У Вікіпэдыі — 20 тысячаў артыкулаў па-беларуску клясычным правапісам
У Вікіпэдыі, вольнай энцыкляпэдыі, утрымліваецца больш за 13 мільёнаў артыкулаў на 265 мовах; зь іх больш за 20 тысячаў напісаныя на беларускай мове клясычным правапісам.

17 чэрвеня 2009 году беларуская Вікіпэдыя клясычным правапісам (http://be-x-old.wikipedia.org/) пераадолела мяжу ў 20 тысячаў артыкулаў. Юбілейным стаў артыкул, прысьвечаны Казімеру Нарбуту (http://be-x-old.wikipedia.org/wiki/Казімер_Нарбут), які распачаў удзельнік Rasa. Крыху больш, чым за год, — з 1 чэрвеня 2008 году — колькасьць артыкулаў у Вікіпэдыі клясычным правапісам павялічылася ўдвая. Толькі чвэрць з 266 Вікіпэдыяў на самых розных мовах сьвету адолелі мяжу ў 20 тысячаў артыкулаў, і беларуская Вікіпэдыя клясычным правапісам цяпер уваходзіць у іх лік, займаючы 65 месца ў сусьветным рэйтынгу Вікіпэдыяў.

Разьдзел Вікіпэдыі па-беларуску быў створаны 12 жніўня 2004 году. Усяго ў беларускай Вікіпэдыі клясычным правапісам існуюць больш за 56 тысячаў старонак і зарэгістраваныя больш за 6 тысячаў удзельнікаў, якія зрабілі агулам больш за 480 тысячаў правак. Колькасьць актыўных удзельнікаў разьдзелу, якія зрабілі прынамсі 5 рэдагаваньняў за месяц, у траўні 2009 году склала 59 асобаў. Агульная колькасьць артыкулаў павялічваецца ў сярэднім на 1000 штомесяц.

Асноўнымі тэмамі, пра якія напісаныя артыкулы ў разьдзеле Вікіпэдыі на беларускай мове клясычным правапісам, зьяўляюцца тэмы якія тым ці іншы чынам тычацца Беларусі — геаграфіі, гісторыі, выбітных асобаў, — але таксама ў пэўнай ступені ахопліваюцца тэмы з усіх сфэраў чалавечых ведаў.

Праект «Вікіпэдыя» (http://www.wikipedia.org) быў заснаваны 15 студзеня 2001 году як публічная ўнівэрсальная інтэрнэт-энцыкляпэдыя, у якой аўтарам артыкула можа выступіць кожны ахвотны. Аўтарскае права на матэрыялы «Вікіпэдыі» рэгулюецца ліцэнзіяй вольнай ліцэнзіяй GNU FDL, якая дазваляе вольна зьмяняць і распаўсюджваць інфармацыю і нават прадаваць яе, аднак забараняе «закрываць» правы на створаную грамадзкасьцю інфармацыю пасьля занясеньня якіх-небудзь зьменаў і дадаткаў.

У красавіку-траўні 2009 году было праведзенае апытаньне на прадмет магчымай зьмены ліцэнзіі, пад якой даступныя матэрыялы Вікіпэдыі, для паляпшэньня сумяшчальнасьці вольных матэрыялаў. 75,8% удзельнікаў з разьдзелаў Вікіпэдыяў па ўсім сьвеце падтрымалі прапанову, у выніку чаго з 15 чэрвеня 2009 году ўсе матэрыялы, якія ўтрымліваюцца ў Вікіпэдыі, стануць таксама даступныя пад ліцэнзіяй Creative Commons Attribution-Share Alike 3.0.

Кантролю ажыцьцяўленьня аўтарскіх правоў у Вікіпэдыі надаецца асаблівая ўвага: абароненыя аўтарскім правам тэксты забаронена зьмяшчаць у Вікіпэдыю, а выявы могуць выкарыстоўвацца толькі на ўмовах добрасумленнага выкарыстаньня. З гэтай прычыны ў разьдзеле Вікіпэдыі па-беларуску клясычным правапісам за апошні год былі выдаленыя каля 200 выяваў зь няпэўным ліцэнзійным статусам.

Найбуйнейшым разьдзелам Вікіпэдыі зьяўляецца разьдзел на ангельскай мове. Цяпер ён утрымлівае больш за 2 916 000 артыкулаў. Наступнымі па колькасьці артыкулаў зьяўляюцца разьдзелы Вікіпэдыі па-нямецку (больш за 919 000 артыкулаў), па-француску (больш за 817 000 артыкулаў), па-польску (больш за 612 000 артыкулаў) і па-японску (больш за 594 000 артыкулаў). Агульная колькасьць артыкулаў на ўсіх мовах перавысіла 13 мільёнаў.
Powered by LiveJournal.com